أنس_الصفريوي : من مقالع الغاسول إلى إمبراطور مجموعة "الضحى" العقارية

قصة_رجل_أعمال 2 : 

أنس_الصفريوي : من مقالع الغاسول إلى إمبراطور مجموعة "الضحى" العقارية

أنس الصفريوي ، رجل أعمال تزاد سنة1957 بمدينة فاس ، ماكملش قرايتو في الثانوي غير باش يخدم مع الأب ديالوعبد السلام و العم ديالو عبد الصمد في تسيير الشركة الوحيدة اللي كتستغل مقلع "الغاسول" الوحيد بالمغرب، واللي كتبلغ المساحة ديالو 27 ألف هكتار ، أنس ساهم بشكل كبير في تسويق هذا المنتوج في الأسواق المغربية، قبل ما يتم التصدير ديالو للخارج ...

البداية ديال أنس كانت بتأسيس شركة ديال إنتاج الورق بفاس وبعدما نجح ... وسع المشروع ديالو في كازا وطنجة وأكادير. من بعد توجه لتصنيع مادة كاربونات الكالسيوم و بنا مصنع في كازا ديال هادشي ...
في سنة 1987 استثمر في مجال البناء و العقار وكانت أول «ضربة كبيرة» حققها منين شرا بقعة أرضية ب 30 مليون درهم و باعها بثلاثة أضعاف ثمنها، و في سنة 1988 أسس شركة عقارية الاسم ديالها "الدجى" ما زال كتشتغل حاليا وعندها أسهم مهمة في البورصة .
في سنة 1995 جاتو الفرصة باش يشتغل في مشروع إحداث 200 ألف سكن اجتماعي بدعم من الحكومة في العهد ديال الحسن الثاني ... و أطلق الاسم ديال "الضحى" على هاد المشاريع العقارية ... و استطع يقنع المغاربة بالعبارة الاشهارية الشهيرة "الشرا بثمن الكرا" اللي خداها من عنوان ديال واحد الكتاب كان معروض في واجهة مكتبة في شارع «شون إيليزي» في باريس ...
وفي سنة 2006 حقق رقمَ معاملات كبير بزاف ، و قرّر يبيع 35 في المائة من الأسهم ديالم شركة «الضحى» في البورصة ، و باع السهم الواحد بحوالي 580 درهما، و هاد العملية حققت ما يقارب 2.7 مليار درهم ... و من بعد شرا 3 في المائة من حصة "القرض العقاري والسياحي".
أنس كان كيبدا خدمة ديالو من الثمنية ديال الصباح و ما كيوقف حتى لأول ساعات ديال الصباح ديال النهار التالي ... عندو جوج ديال العطل في العام وحدة باش يؤدي مناسك العمرة و الثانية عطلة شخصية المدة ديالها 7 أيام ... هادشي اللي جعلو يكون ثالث أغنى رجل أعمال في المغرب بثروة تقدر ب 1,3 مليار دولار ..

رجل أعمال بدون رأس المال