عزيز_أخنوش : من محطة ديال الغاز إلى سلطان البترول في المغرب

قصة_رجل_أعمال 6 :

عزيز_أخنوش : من محطة ديال الغاز إلى سلطان البترول في المغرب

عزيز أخنوش ... الوزير الملياردير ... هو ثالث أغنى رجال الأعمال في المغرب ... هو عنوان ديال قصة نجاح عائلة سياسية ماشي شخص واحد ... الرجل اللي تزاد عام 1961 بدوار أكَرض اوضاض في مدينة تافراوت ، حاصل على دبلوم في التسيير من جامعة شيربروك، في كندا ... الأم ديالو رقية بن عبد العالي و الأب ديالو أحمد أولحاج ... تزوج بسلوى الإدريسي مالكة مجموعة "أكسال" و "الموروكو مول" عندو ثلاثة ديال الأبناء .

الوالد ديالو الحاج أحمد أولحاج كانت البداية ديالو في سنة 1932 كان تاجر في درب عمر و هاجر في الثمانينات للدار البيضاء ... غادي يفتتح فيها أول محطة ديال الغاز بالتقسيط حتى أصبح كيملك سبعة ديال المحطات . ثم رجع لأكادير وأسس فيها مصنع ديال الرخام ... تعتقل من طرف الاستعمار الفرنسي منين كان كيتعاون مع حركة المقاومة، و خربو ليه المصنع ديالو. و نهار خرج رجع للمجال ديال البترول، و بشراكة مع راجل أختو الحاج واكريم أسس شركة "إفريقيا" اللي كيعرفوها المغاربة كلهم اليوم ، أول صفقة استورد 200 ألف لتر من البترول الخالص من الاتحاد السوفياتي، الشركة توسعات في السبعينات و استثمرت في برامل كبيرة ديال التخزين ... في سنة 1974 المغرب غادي يعيش أزمة بترولية خانقة وغادي يكون أحمد أولحاج رجل المرحلة بامتياز، استدعاه القصر و طلب منو يزود الدولة بالمخزون اللي عندو ديال البترول ... السيد بقا مخلص للوطن ديالو و في المسيرة الخضراء كان يعطي الغاز فابور للمتطوعين.

و في نهاية السبعينيات غادي يتوجه مول البترول للسياسة و غادي ينتمي لــ "حزب العمل"... السياسة ديال أخنوش عاوناتو باش يطور المجموعة ديالو اللي أصبح الاسم ديالها "أكوا" ، الاسم الأول "أك" نسبة للإسم العائلي ديال أخنوش و الاسم "وا" نسبة الإسم العائلي ديال الحاج واكريم ، و اللي كان كيشرف على التسيير ديالها الابن ديالو عزيز أخنوش بعدما رجع من كندا سنة 1986 و جاب معاه أكثر من دبلوم في التسيير و التدبير ... بدا الوريث ديال مملكة أولحاج أخنوش بدخول عالم البورصة ، ساهم في "ميديتيل"، قام بتجديد محطات "إفريقيا" و استثمر في وسائل الإعلام، و سيطر على الأسهم ديال مجموعة "كاراكتير" اللي كتصدر مجلات وصحف "نساء من المغرب" و"لافي إيكونوميك" و"أوجوردوي لوماروك"، وغيرها ، السيد تقرب بشكل كبير من المحيط الملكي بالهادايا اللي كان كيقدم ليه ... هادشي اللي جعلو ياخد كريدي من "التجاري وفا بنك" - البنك اللي تابع لمجموعة "أونا" الملكية - اللي شرا بيه الأسهم ديال شركات المنافسين ديالو "سوميبي" و"تيسير غاز" ... و تضامنت معاه العائلة ديالو بعدما كان غارق كريديات و كان قريب من الفشل ... هكذا أصبح أخنوش كيتحكم في 30 في المائة من سوق الوقود و50 في المائة من سوق الغاز، و المجموعة أصبحت كتضم 40 شركة و 40 علامة تجارية ... و راس المال ديال عشرة الملايير ديال الدرهم.

عزيز أخنوش اللي كيشتغل في منصب وزير الفلاحة و الصيد البحري من 2007 و اشتغل سابقا في منصب وزير الاقتصاد و المالية و رئيس جهة سوس ماسة درعة و حاليا هو عضو في المكتب ديال التحاد العام للمقاولات في المغرب ... و في مجلس ادارة البنك المغربي للتجارة الخارجية و مؤسسة أكاديميا و مجلس إدارة بنك المغرب و كان رئيس لتجمع النفطيين المغاربة و عضو في خلية التفكير في المجموعة 14 ... الخصوم ديالو كيتهموه بالانتماء للماسونية ... من بعد هادشي كامل ... أكيد أن عزيز أخنوش باقي عندو مشاريع أخرى كيخطط ليها و أحلام أخرى باغي يوصل ليها ... بعدا نجح سياسيا و اقتصاديا ... سيستمر النجاح ...

رجل أعمال بدون رأس المال