ابراهيم_زنيبر : من تاجر في سوق الدلالة إلى ملك الخمر في المغرب

قصة_رجل_أعمال 3 :

ابراهيم_زنيبر : من تاجر في سوق الدلالة إلى ملك الخمر في المغرب 

ابراهيم زنيبر ... تزاد في سلا سنة 1920 ، تزوج جوج ديال العيالات و عندو 20 ابن ، الملقب بالمناضل الأحمر ... واش كانت صدفة باش يتحول ابراهيم زنيبر من انسان عادي و فقير بدأ حياته من الصفر، إلى امبراطور الخمور في السوق المغربية والعالمية ... أم أن السبب هو القرعة ديال "الروج" الرخيصة اللي أصبحت عزيزة على المغاربة أكثر من الحليب ...
البداية ديال ابراهيم زنيبر ... كان كيعاون الوالد ديالو الطاهر زنيبر كيبيع معاه القمح و الصوف في سوق الخميس في سيدي قاسم ... و في سنة 1956 شرا 740 هكتار من الأراضي الفلاحية اللي كانت في الملكية واحد المتقاعد فرنسي ،و الغريب أن زنيبر ما يدفع حتى درهم و لا سنتيم واحد باش يشري هاذ الأراضي، استافد من كريدي من الخزينة ديال الدولة ... بدا كيفكر كيفاش هاد الأرض تقدر تولد ليه باش يرجع الكريدي اللي عليه و بان ليه الكرم ديال العنب أحسن من باقي الزراعات، حيث ساهل في الصناعة و التحويل ديالو ، و استافد من كريدي أخر من الشركة المغربية للقروض و الأبناك اللي هي "التجاري وافا بنك" حاليا ... باش يشري الألات و المعدات الفلاحية ... و بدا المسيرة ديالو سنة 1963 بتأسيس شركة "لي سيباج دومكناس" متخصصة في إنتاج وتسويق الخمور ، ثم بدات الفلوس كتدخل على ابراهيم منين وصل ل 85 ألف و400 هيكتولتر ديال الشراب ، و اشرا شركة "ديانا هولدينغ" سنة 2001 وأسس ليها فروع ديالها في المغرب والخارج، و اصبح عندو 2500 هكتار ديال الأراضي منها 1100 هكتار من الكروم كانت هدية من الملك الحسن الثاني ... أجمل ذكرى عند إبراهيم زنيبر منين ربح الجائزة الأولى بأحسن نوع ديال الخمر في العالم بعد منافسة شرسة مع 5000 منتوج عبر العالم، و هكذا حقق الأمنية ديالو باش أنه يوصل في أكثر من المليار درهم في رقم المعاملات ، بالانتاج ديال أكثر من 35 مليون قرعة ديال الشراب في العام و كتصدر منها 2 ديال المليون قرعة ديال الشراب لأوروبا وأمريكاو كيربح منها 225 مليار سنتيم في كل عام.
باش تستمر الامبراطورية الخمرية "ديانا هوليدينغ" على عرش الخمور بالمغرب، بدا كيوجد ابراهيم زنيبر في الابن ديالو "ليث" باش يخدم في بلاصتو ، بعدما كمل قرايتو في أمريكا ...

رجل أعمال بدون رأس المال