رحال_السولامي : من التبن و السندويتش إلى أكبر Traiteur في افريقيا

قصة رجل أعمال 1 : 

رحال_السولامي : من التبن و السندويتش إلى أكبر Traiteur في افريقيا

الرجل اللي بدا من الزيرو و أصبح أكبر تريتور في إفريقيا ... سر النجاح ديالو كان هو المعقول في خدمتو ... كان كيعامل 40 ألف واحد من العمال ديالو بحال الأب ديالهم ماشي الباطرون ديالهم لأنه كان عارف أنه غادي يحتاجهم في العطل الرسمية و الدينية ... 

الحاج رحال السولامي ... الرجل كان عندو الفكر ديال رجل أعمال في المشاريع الصغيرة و الموسمية ... في المناسبة ديال عيد الكبير كان هو أول واحد كيدخل التبن للمدن الكبيرة ... و من بعد الدبيحة كان كيجمع الكرون لصناعة المشط و المصارن كيبيعهم لمحلات ديال الصوصيص و البطاين كان كيستغلهم في صناعة الطعارج و البنادر لمناسبة عاشوراء اللي كاتجي من بعد العيد مباشرة ب 10 أيام ... 

الحكاية ديالو بدات في نهاية الخمسينات ... توجّه السولامي رحال من مراكش للدار البيضاء. كان خدام في واحد الفران تقليدي، وكان كيفرق الحلوى على البقالة في نفس الوقت ... في البداية ديال الستينات ... منين كانت القهاوي كتبيع غير الحريرة و البيصارة ... الرجل اللي ابتكر منتوج جديد في المغرب و جعل المغاربة تتعود عليه ... كان أول واحد دخل فكرة السندويش في المغرب ... كان كيبيع السندويتش مع الفريت في المحلات ديالو و في الملاعب ديال كرة القدم ... 

في سنة 1969 الحاج رحال السولامي ... و غادي يفتتح أول دار ديال الحفلات و المناسبات و بدا كينظم الأعراس و كيمونها بالتغدية و من هاد الفترة بدا المشوار الحقيقي ديالو مع الثروة و الشهرة بالأكلات و الاختراعات ديالو في مجال الطبخ حتى سمع بيه الملك الراحل الحسن الثاني و أصبح ممون ديال العائلة المليكة و العائلات الكبرى اللي كاينة في المغرب 

في البداية ديال التسعينات رحال قرر ينتقل للوجبات الصغيرة ... كان كيبيع أكثر من 40 الف وجبة يوميا لسبيطارات و الكليات و المدارس ... بعد الوفاة ديالو رحال مابقاش الاسم ديالو مرتبط بشركة وحدة فقط و إنما اصبحت عندو مجموعة من الشركات (شركة ديال التوزيع و شركة ديال تنظيم و شركة ديال انتاج الحلويات ) اللي عندها علاقة بتموين الحفلات اللي كيشرف على التسيير ديالها الأبناء ديالو اللي تبعو الدراسة ديالهم في مجال السياحة و التدبير ... و على رأسهم كريم رحال السولامي المدير العام ديال مجموعة تموين الحفلات ... المجموعة اللي حصلت على مجموعة من الجوائز الوطنية و الدولية ... و حصلت على شواهد ديال الجودة لأول مرة في إفريقيا ...

رجل أعمال بدون رأس المال