ميلود_الشعبي : من سراح ديال الغنم إلى أغنى رجل في المغرب

قصة_رجل_أعمال 9 :

ميلود_الشعبي : من سراح ديال الغنم إلى أغنى رجل في المغرب

ميلود الشعبي تزاد في عام 1929 في الشعبة الشياظمة الشمالية النواحي ديال مدينة الصويرة ... شكون كان كيقول أن هاد الرجل اللي بدأ حياتو كان كيسرح الغنم غادي يصبح أغنى رجل في المغرب ... رجل أعمال وسياسي و مؤسس و مدير عام يينا المجموعة الاقتصادية مجموعة "يينا هولدينج"... تم الاختيار ديال هاد الإسم اللي كيعني في اللغة الأمازيغية "أمي"، في إشارة إلى أن الشركة الأم اللي غادي تتفرع منها باقي الشركات ... و اللي كتشتغل في مجموعة من البلدان العربية (المغرب – تونس – ليبيا – مصر و الإمارات ) و اللي كتضم أكثر من 40 شركة. و كتشغل أكثر من 19.000 عامل بما فيها الأطر المتوسطة والعليا ...

الانطلاقة ديال ميلود الشعبي كانت بعدما تعلم الحروف العربية في الجامع ديال الدوار و حفظ ما تيسر من القرآن، و خرج يضرب تمارة منين كان في العمر ديالو 15 العام ... مرة كان كيسرح الغنم و مرة كيخدم عطاش في الفلاحة جمع شوية ديال الفلوس ... و قرر يسافر من الصويرة لمراكش باش يجرب الحظ ديالو في التجارة ... أولبزنس ديالو شرا ماطيشة بالجملة من منطقة السويهلة باش يسقطها في الأسواق ديال مراكش و لكن الزغبي ماعندو زهر الثمن ديال ماطيشة كان طايح بزاف... ثم قرر ينتقل عند الأخ ديالو في مدينة سلا ... حاول يدخل للعسكر باش يمشي يحارب في لاندوشين باش يجمع الفلوس و يشري بقعة أرضية ... و لكن ترفض حيث كانت باقي صغير ولد 17 العام ... ثم قرر يخدم في المجال ديال البناء ... كان كيعطي فلوسو كلهم للأخ ديالو و من بعد الخلاف بين الخوت قرر يكري مع شخص أخر ... و تعلم الحرفة مزيان و بدات الأحلام كتكبر باش يكون Chef chantier .... طلب من صاحبو باش يعاونو يشري ليه ماكينة ديال لاموزيك باش يخدم و يخدم معاه الناس ...

من مراكش انتقل الشعبي إلى مدينة القنيطرة حيث أنشأ هناك سنة 1948 أولى شركاته، وهي عبارة عن شركة صغيرة متخصصة في أشغال البناء والإنعاش العقاري اللي تحول الاسم ديالها ل “للشعبي للإسكان” ... سنة 1964 أسس شركة متخصصة في صناعة السيراميك. و منين اكتسب التجربة الكافية بدا كيفكر يشري شركة عصرية كبيرة و تقرب من مجموعة "دولبو ـ ديماتيت" لصناعة وتوزيع تجهيزات الري الزراعي ومواد البناء. غير أن عائلة "دولبو" الفرنسية اللي كتسيطر على رأسمال المجموعة رفضت أنه يدخل كمساهم في المجموعة ، و هكذا قرر يأسس شركة منافسة حطمت الأسعار ديال منتجات"دولبو ـ ديماتيت" واستمر الشعبي في الحرب الاقتصادية لسنوات طويلة حتى أعلنت هاد العائلة الافلاس و قرر يبيعها للشعبي في سنة 1985.
في سنة 1992 أسس شركة "جي بي سي" للكارتون والتلفيف و سنة 1993 ربح صفقة تخصيص الشركة الوطنية للبتروكيماويات "سنيب" و في سنة 1994 أطلق شركة "إليكترا" للمكونات الكهربائية والكابلات وبطاريات التلفزيون، و في سنة 1998 أطلق سلسلة متاجر "أسواق السلام" العصرية واللي وصل العدد ديالها اليوم ل 12 سوقا تجاري ، و في سنة 1999 أطلق أول سلسلة فنادق "رياض موغادور" بمدينة الصويرة ثم بمدينة مراكش وأكادير سنة 2009 و في سنة 2010 أسس وحدة لصناعة الحديد اطلق عليها إسم يينا ستيل ...
في سنة 1963 حتى ل 1969 كان رئيس ديال غرفة التجارة و الصناعة و من سنة 1984 و هو نائب برلماني ديال اقليم الصويرة … حصل على مجموعة من الأوسمة الملكية ... و حصلت المجموعة ديالو على مجموعة من الجوائز المهمة وطنيا و دوليا ... جائزة البيئة، جائزة التشغيل، والجائزة الأولى لمجلــــس وزراء العرب للإسكان والتعمير.

ميلود قرر يوزع الثروة ديالو على الأبناء ديالو ... و غادر إلى دار البقاء من بعد 84 سنة ديال النجاح اقتصاديا و سياسيا و اجتماعيا

المصدر صفحة : رجل أعمال بدون رأس المال